|
Wat is D.COMM? D.COMM is kommunikasiesagteware. Datamax bied dit gratis aan vir kliënte wat van ons dienste gebruik wil maak. Nadat D.COMM geïnstalleer is, kan jy eise elektronies via Datamax stuur. Let wel: Jy moet by Datamax registreer voordat jy eise probeer stuur.
Datamax is in 1990 gestig en spesialiseer in mediese praktykbestuursagteware (PMS). In 1995 het ons ons aanlyn elektroniese eisstelsel (EDI) bekend gestel. ’n Paar jaar gelede is ons gevra (deur ander PMS-verskaffers) om ons EDI-dienste wyer beskikbaar te stel. Hulle het gemeen meer mededinging was nodig in die bedryf, omdat die diens wat deur bestaande elektroniese eismaatskappye gelewer is "nie te waffers" was nie. Datamax lewer nou elektroniese eisfasiliteite aan meer as 1000 praktyke in Suid-Afrika.
Ons produk is dieselfde: ons lewer eise elektronies af. Omskakeling na Datamax sal geen aanpassing van jou bestaande gebruike en prosedures verg nie. Ons diens is beter: Datamax is ’n jonger, leniger maatskappy – meer ingestel op doeltreffendheid. En ons is 100% verbind tot kliëntetevredenheid. Ons kos minder: oor die algemeen kos ons ten minste 10% minder as enige mededinger.
Is my praktykbestuursagteware versoenbaar? As jy reeds elektronies eise indien (by een van ons mededingers), JA. So nie, kan jy ons net skakel en ons sal vir jou vasstel of dit versoenbaar is.
Dis GRATIS – vir die eerste maand!!! Daarna: As gevolg van die unieke omstandighede van elke mediese dissipline, is dit in ons bedryf algemene gebruik om verskillende tariewe vir verskillende dissiplines te vra. Oor die algemeen is ons tariewe minstens 10% laer as ons naaste mededinger. Indien jy meer wil uitvind oor presies wat ons
sal vra, skakel ons gerus by
Datamax kan eise by feitlik alle mediese fondse in Suid-Afrika aflewer. Ons kan ook WCA-eise by Compsol aflewer (maar jy moet eers ’n kontrak met hulle sluit!). Datamax gebruik dieselfde aktiveringskodes as mededingers – as jy ons stelsel probeer, sal jou praktykbestuursagteware dus glad nie aangepas hoef te word nie. Indien jy by Datamax registreer, sal ons vir jou ’n lys van mediese fondse en hul aktiveringskodes stuur. Ons versprei ook van tyd tot tyd bywerkings van hierdie lys na gelang veranderings aangebring word. As jy die lys van mediese fondse wil kry sonder om te registreer, stuur ’n e-posboodskap na activ@datamax.co.za of skakel Datamax by 086 051 5125.
Realtime" of "Batch" – wat is die beste? "Realtime": beteken dat elke eis onmiddellik by die mediese fonds afgelewer word. "Batch": beteken dat ’n klomp verskillende eise versamel en saam by die mediese fonds ingedien word (in ’n bondel) – miskien aan die einde van die dag. V: "Realtime" beteken
die eise kan ’n paar uur vroeër afgelewer
word, maar verseker dit spoediger betaling? Hou egter in gedagte dat die verskaffing van ’n "realtime" infrastruktuur aansienlik meer kos. Daarom is baie van ons mededingers so duur! "Batch"-aflewerings verseker groter betroubaarheid en kontrole – dís waarom Datamax hierdie afleweringsmetode gebruik.
Hoe word D.COMM aan Datamax gekoppel? D.COMM kan opgestel word om een van die volgende te gebruik: Internet: Feitlik enige soort internetkonneksie kan gebruik word, insluitend inbel, ISDN, koordlose breëband, ADSL, GPRS, 3G, WiFi, ens. Analoë modem: D.COMM kan direk aan Datamax gekoppel word (sonder ’n internetrekening) met behulp van ’n standaard analoë modem. ISDN: D.COMM kan ook direk aan Datamax gekoppel word (sonder ’n internetrekening) met behulp van ’n standaard ISDN-modem. (Let wel: Die meeste ISDN-modems het sogenaamde "Com Port Emulation"-sagteware nodig om geïnstalleer te word. Dit word gewoonlik saam met die modem verskaf.)
Kan ons voordele aanlyn nagaan? Ondanks die aansprake van ons mededingers, sal die meeste mediese fondse nie hierdie inligting onmiddellik verskaf nie. Net soos ons mededingers, kan ons die besonderhede van lede verifieer voordat eise ingedien word. Dit verseker die soort akkuraatheid wat nodig is wanneer eise elektronies ingedien word, en verkort die wagtyd voordat betaling ontvang word.
Hoe betroubaar/veilig is die elektroniese indiening van eise? Betroubaar: Datamax waarborg dat elke eis sy bestemming sal bereik. Ons implementeer talle beheermaatreëls om te sorg dat eise afgelewer word. Ons rekonsilieer ook gereeld met die mediese fondse as ’n laaste voorsorgmaatreël.
Hoe weet ons of ons eise ontvang is?
Aflewering van eise wat op die Aanvaardingsverslag verskyn, word deur Datamax gewaarborg. Die Aanvaardingsverslag toon ook bondelverwysingsnommers vir toekomstige opvolging indien nodig. Eise wat op die Afkeuringsverslag verskyn, moet reggestel en weer ingestuur word. Redes vir afkeuring word ook op hierdie verslag aangedui. Tariewe word slegs gevra vir eise wat op die Aanvaardingsverslag verskyn.
Hoe vinnig sal ek terugvoer kry? Datamax dui onmiddellik aan watter eise aanvaar is (deur Datamax) en watter eise afgekeur is (deur Datamax). Terugvoer van die mediese fondse neem langer, maar gelukkig word elektroniese betalingsadviese tans deur baie van die groter mediese fondse ontwikkel. Die elektroniese indiening van eise waarborg in elk geval die vinnigste moontlike reaksietyd. Let asseblief daarop dat geen tariewe gevra word vir eise wat deur Datamax afgekeur word nie.
Hoe vinnig sal ek betaling kry? Dit hang van jou af! Praktyke wat akkurate eise betyds instuur, kan binne 5 dae betaling ontvang!! Onthou egter dat mediese fondse "betaalsiklusse" toepas – die wagtyd vir betaling sal dus gewoonlik afhang van die tyd van die maand. Een ding waarvan jy seker kan wees, is dat die elektroniese indiening van eise die doeltreffendste manier is om die vinnigste betaling te verseker.
Ek is nie seker oor alles nie! Sê nou ek hou nie hiervan nie? Dis heeltemal verstaanbaar. Ons word almal elke dag oorval met aanbiedinge wat "te goed lyk om waar te wees". Jy kan tereg skepties wees. Die oplossing: jou eerste maand is GRATIS. Dit beteken jy kan Datamax ’n maand lank probeer sonder om jou rekening by jou huidige elektroniese eisemaatskappy te sluit. Laat alles bly soos dit is, totdat jy oortuig is dat Datamax ’n beter opsie is! Indien die onwaarskynlike gebeur dat jy wil teruggaan na jou ou verskaffer, haal net D.COMM van jou stelsel af ("uninstall"). Dis al!! Geen vrae word gevra nie!
Goed, ek stel belang. Wat is die stappe? Stap 1: Installeer D.COMM-sagteware
deur te kliek op "Installeer nou" op die D.Comm Info CD,
of jy kan dit hier aflaai - kliek
HIER. Die hele proses neem minder as 5 minute!!
|
